Qazaqstan Respýblıkasy Investısııalar jáne damý mınıstrliginiń buıryǵy  №248

2015 jylǵy 27 aqpan, Astana qalasy «Qyzmet óńirin aıqyndaý qaǵıdasyn bekitý týraly» Qazaqstan Respýblıkasy Kólik jáne kommýnıkasııa mınıstriniń 2014 jyly 27 maýsymdaǵy № 392 buıryǵyna ózgerister engizý týraly «Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańy 88-babynyń 4-tarmaǵyna sáıkes buıyramyn: 1. «Qyzmet óńirin aıqyndaý qaǵıdasyn bekitý týraly» Qazaqstan Respýblıkasy Kólik jáne kommýnıkasııa mınıstriniń 2014 jylǵy 27 shildedegi № 392 buıryǵyna (Qazaqstan Respýblıkasynyń normatıvtik quqyqtyq aktilerdi tirkeýdiń memlekettik tiziliminde № 9658 bolyp tirkelgen, 2015 jylǵy 12 aqpandaǵy «Egemen Qazaqstan» № 28 (28506) gazetinde jarııalanǵan) mynadaı ózgerister engizilsin: kórsetilgen buıryqpen bekitilgen Qyzmet óńirin aıqyndaý qaǵıdalary osy buıryqtyń qosymshasyna sáıkes jańa redaksııada jazylsyn. 2. Qazaqstan Respýblıkasy Investısııalar jáne damý mınıstrliginiń Kólik komıtetine (Á.A.Asavbaev): 1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin, onyń kóshirmesin kúntizbelik on kún ishinde merzimdi baspa basylymdaryna jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy «Ádilet» respýblıkalyq memlekettik kásipornynyń aqparattyq-quqyqtyq júıesine resmı jarııalaýǵa buıryq jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalar týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý birinshi vıse-mınıstri J.M. Qasymbekke júktelsin. 4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV. Qazaqstan Respýblıkasy Investısııalar jáne damý mınıstriniń 2015 jylǵy 27 aqpandaǵy №248 buıryǵyna qosymsha Qazaqstan Respýblıkasy Kólik jáne kommýnıkasııa mınıstriniń 2014 jylǵy 27 maýsymdaǵy № 392 buıryǵymen bekitilgen Qyzmet óńirin aıqyndaý qaǵıdalary 1. Osy Qyzmet óńirin aıqyndaý qaǵıdalary (budan ári - Qaǵıdalar) «Jol júrisi týraly» 2014 jylǵy 17 sáýirdegi Qazaqstan Respýblıkasy Zańynyń 88-babynyń 4-tarmaǵyna sáıkes ázirlendi. 2. Qaǵıdalarda Qazaqstan Respýblıkasynyń barlyq aýmaǵynda mehanıkalyq kólik quraldaryn jáne olardyń tirkemelerin (budan ári - KQ) mindetti tehnıkalyq qarap tekserýden ótkizýdi qamtamasyz etý úshin tehnıkalyq qarap tekserý operatorlarynyń óńirlik qyzmetin aıqyndaý tártibin belgileıdi. 3. Tehnıkalyq qarap tekserýdiń utqyr jelileri úshin qyzmet óńiri tehnıkalyq qarap tekserýdiń stasıonarlyq jelileri joq eldi mekender men óńirler ataýlarynyń tizbelerin jasaý arqyly aıqyndalady. Qazaqstan Respýblıkasy Investısııalar jáne damý mınıstrliginiń Kólik komıtetimen (budan ári - Komıtet) tehnıkalyq qarap tekserýdiń stasıonarlyq jelileri joq eldi mekender men óńirler ataýlarynyń tizbesi (budan ári - Tizbe) jasalyp, www.mid.gov.kz. ınternet – resýrsynda ornalastyrylady. 4. Tehnıkalyq qarap tekserý operatory (budan ári - Operator) tehnıkalyq qarap tekserýdiń utqyr jelisimen óziniń tirkelgen orny boıynsha oblystyń ákimshilik – aýmaqtyq shekarasy sheginde mindetti tehnıkalyq qarap tekserýdi qamtamasyz etedi. 5. О́ńirlerde tehnıkalyq qarap tekserýdiń utqyr jelilerdiń paıdalanýymen KQ-ny mindetti tehnıkalyq qarap tekserý Operatormen stasıonarlyq jelileri joq aýdandyq mańyzy bar qalalarda, ákimshilik ortalyq aýdandarda jáne aýyldyq okrýgterde qamtamasyz etiledi. 6. KQ-ny mindetti tehnıkalyq qarap tekserýdi ótkizýdi qamtamasyz etý úshin tehnıkalyq qarap tekserýdiń utqyr jelileri bar tehnıkalyq qarap tekserý operatory qyzmet óńiri sheginde KQ-nyń mindetti tehnıkalyq qarap tekserýdi ótkizý kestesin (budan ári - Keste) osy Qaǵıdalardyń qosymshasyna sáıkes nysan boıynsha jasaıdy. 7. Tehnıkalyq qarap tekserýdiń utqyr jelisi mindetti tehnıkalyq qarap tekserýdi jyl boıy bekitilgen Kestege sáıkes ótýin qamtamasyz etedi. 8. Tehnıkalyq qarap tekserýdiń utqyr jelisi úshin keste Tehnıkalyq qarap tekserý operatorlarynyń tizilimine engizilgen kúnnen bastap kúntizbelik on bes kún ishinde oblystyń jergilikti atqarýshy organyna kelisýge usynylady. Oblystyq jergilikti atqarýshy organǵa kelisýge Kesteni keıinnen usynýdy Operator jyl saıyn, kólik quraldaryn mindetti tehnıkalyq qarap tekserýdi ótkizý bastalǵanǵa deıin kúntizbelik otyz kúnnen keshiktirmeı júzege asyrady. 9. Oblystyq jergilikti atqarýshy organdar kelisýge usynylǵan Kesteni kelip túsken kúnnen bastap úsh jumys kún ishinde qaraıdy. 10. Kesteni oblystyq jergilikti atqarýshy organymen kelisý kezinde osy Qaǵıdalardyń 3-tarmaǵyna sáıkes Tizbe boıynsha eldi mekender jáne óńirlerdiń sany men ataýynyń sáıkestigi tekseriledi. 11. Kesteni Operatormen qyzmet óńirine sáıkes eldi mekenderdiń sany men ataýyn tolyq emes kórsete otyryp, usynǵan jaǵdaıda, oblystyń jergilikti atqarýshy organy Kestege túzetýler engizedi. 12. Kesteni oblystyq jergilikti atqarýshy organ keliskennen keıin Operator turǵyndardy Keste týraly tıisti ákimshilik-aýmaqtyq birliktiń aýmaǵynda taratylatyn merzimdi baspa basylymdarynda habarlaıdy. Oblystyń jergilikti atqarýshy organymen Kesteni keliskennen keıin kúntizbelik bes kún ishinde Operator Kesteniń kóshirmesin Komıtettiń aýmaqtyq organyna jiberedi. 13. Qyzmet óńiri shegindegi mindetti tehnıkalyq qarap tekserýdi qamtamasyz etken tehnıkalyq qarap tekserýdiń operatory qyzmet óńirinen tysta mindetti tehnıkalyq qarap tekserýdi júzege asyrady. 14. Azamattyq-quqyqtyq qatynastar sheńberinde zańdy tulǵalar KQ-ny mindetti tehnıkalyq qarap tekserýdi ótkizgen jaǵdaıda, Operatorǵa Kesteni buzbastan, astanada, respýblıkalyq jáne oblystyq mańyzy bar qalalarda KQ-ny mindetti tehnıkalyq qarap tekserýdi qospaǵanda, zańdy tulǵanyń aýmaǵyna kirý úshin tehnıkalyq qarap tekserýdiń utqyr jelilerin qoldanýǵa ruqsat etiledi. Qyzmet óńirin aıqyndaý qaǵıdalaryna qosymsha Nysany Mehanıkalyq kólik quraldary men olardyń tirkemelerin mindetti tehnıkalyq qarap tekserýden ótkizý kestesi № r/s Eldi mekenderdiń ataýy Mindetti tehnıkalyq qarap tekserýdi ótkizý kezeńi (kúni) Mindetti tehnıkalyq qarap tekserý ótkizý orny Jumys rejımi 1 2 3 4 5 aýdannyń ataýy Buıryq Qazaqstan Respýblıkasynyń Ádilet mınıstrliginde 2015 jylǵy 10 sáýirdegi Normatıvtik quqyqtyq kesimderdi memlekettik tirkeýdiń tizilimine №10696 bolyp engizildi.